Tunlai |halai te din hmun...
Khawvel a
changkang zel a, mihring pawh kan buaiin kan hman hlel ta viau mai. Midang tana
hun pek kan harsat tial tial a, Kohhran leh khawtlangah kan \hahnemlo telh telh
niin a lang. Tun ang renga kan kal chuan |halai Inkhawm tur kan awm lo thuai a
nga, \halai mitthi in kal tur leh thlan lai tur kan awm lo thuai dawn ni te
pawhin a lang.
A huhova thil tih
kan ngaina lo tial tial a, rawngbawlna thiltihho aiin mahni chauhva In-a awm
mai mai kan thlang ta zawk fo mai. Mahniin kan tlei tawk a, midang tihbuai loha
awm nuam kan ti hle tawh a ni. Midang ngaihpawimawhna kan tlachham tawh em em
a, aia upa zahna pawh kan nei lutuk tawh lem lo. “A neih ka ei lo” tih
rilru kan pu \ham tawh a, mdang thu hnuaia kun ngat phei chu ka peih ta meuh
lo.
Inngaihzawn
kawngah pawh a huhova inrim tih te chu kan kal san ta, tlangval tan mahni
ngaihzawng lo rim chu a rem ta chiah lo, rem pawh nise a inthlahrunawm tawh
zawk hial ta ve ang. Nula tan lah mahni ngaihzawng lo chu inleng neih a rem
chiah lo ni te pawhin a lang. A inngaizawnga te lah midang te pawh ngam loh khawpin kan lo
inngaizawng thul! Midangin an hre lo ang tih hlau niawm hrimin pawn lamah pawh
kan inzui zak lem lo. Chumai a ni lo, kan \awngkam lamah “Kan nu/Kan pa” tiin
kan insawi ta mai zel bawk a, kan hriat ve phak chinah ngawt pawh kan Mizo
nunphung hi kan kalsan ta viau mai! Changkannain a ken tel te pawh a ni
fahmiang.
Eizawnna kawng
hrang hrang kan zawh a, kan thawh awm leh theih tawk te zawngin kan phe suau
suau a, changkanna leh hmasawnna duhawm tak a ni, a lawmawm hle. Chhun lam mai
ni lovin, zan rei tak tak thlenga hnathawh ngaihna hmun a awm ta nual. Private
leh Company hnuaia hnathawhna tur a tam chho zel a, chunga hnatawk tam tak te
tan phei chuan Kohhran leh khawtlanga inhmanna hun a tlem ta telh telh bawk,
khawvel changkanna leh hmasawn dan ngaihtuah chuan hei hian zual lam ala pan
zel dawn ni te pawhin a lang.
Chanchin |ha a
min hringtu Wales ram chanchin kan hre \hin, “Biak In tam tak a ruak a,
Bazarna hmun atan an hralh” tih thu te, “|halai inkhawm tur an awm tawh bar
lo”, tih te nen lam kan hre bawk. Kan tun din hmun thlir hian keini Mizoram
pawh hian Wales ram din hmun hi kan hlat tawh lo viau mai lawng maw? Theih tawp
chhuaha \an kan lak loh chuan Kohhran hma bak hi a ropui lo viau ang tih pawh a
hlauhawm hlel lo ve.
Sawi vek seng va
ni suh, hetiang hi tunlai \halai te din hmun a nih miau avangin rilru thar kan
put a, siam \hat ngai lai te kan insiam \hat a duhawm hle. Kan Kristianna leh
kan Zo nun ze mawi kal san zawngin hma kan sawn ang tih a hlauhawm a ni. Kan
Kristianna ti thuanawp zawnga eizawnna hna kan thawk emaw kan zirlai kan zir
emaw a nih ngat chuan kan hlawhtling ziktluak ngai lovang. Tin, kan Mizo-na hi
kan changkansan a nih chuan kan ding chhuak ngai lo ang tih hre thar leh ila, hma lam panin kan puanven i
sawi chhing teh ang u khai.
No comments:
Post a Comment