ARTICLE - Rawngbawlna chanvo

Rawngbawlna chanvo

            Pathian hruaina avangin kum thar 2018 kan lo thleng leh ta reng mai! Kum a thar angin Kohhran leh a hnuaia Committee peng hrang hrangah te rawngbawlna chanvo hrang hrang kan chelh leh ta liam liam a. Mahni lam inthlir phei chuan tumah hi tling kan inti awm love.

            Rawngbawlna chanvo te hi eng angin nge kan ngaih a, eng angin nge kan dawnsawn thin tih hi mahni inzawt fo thin ila a duhawm hle. Kan lo tih fo tawh thin a nih avanga ngaia neih awm thei a ni. Hei hian rawngbawlnaah   dawngdahna a thlen fo thin avangin he rilru hi rawngbawltuten kan dah bo a duhawm hle a ni.

            Rawngbawlna chanvo chang ve tlak emaw phu ve riaua inhriatna rilru hi put ve theih a ni awm e. Chutiang rilru pu ten an beisei ang chanvo an chan loh chuan an vuivai fo thin a ni. Khawngaih rawngbawlhna a ni a, tling ve tawk ni a inhriat a, va beisei chi a ni lem lo. Pathianin a rawngbawltute kaltlangin heng chanvo te hi a pe mai zawk thin a ni. Chu chu ringtu puitling chuan a hrethiam ngei ang.

            Heng Rawngbawlna chanvo hrang hrangte hi kan tlin leh fel bik vang ni hauh lovin, khawngaihnain min thawh tir a, hriatthiamnain min la thlir reng zawk a ni si a. Chumi avang chuan ‘kei chu a rawngbawltu ka ni’ intithei chauh kan ni. Ringtute hian rawngbawlna chanvo kan nei vek a, kan chanvo chelh erawh a inanglo mai chauh a ni. Heng kan rawngbawlna chanvo te hi Pathian rinchhan chungin i hlen zel ang u.