CHANCHINTHA THLEN NI
Kan hriat angin tunkar Ningani
(March 15) hi Chanchintha thlen Ni a lo ni leh ta reng mai. Kan Kohhran hian
kum 2014 atang khan March 15-ah Chanchinth Thlen Ni hi kan hmang tan a nih kha.
Kohhranho ten he hun pawimawhna leh hlutna kan hriat thar deuh deuh a, kan
ngaihpawimawh lehzual a duhawm hle a ni.
Chanchintha
avanga kan rama hmasawnna tam tak kan neih te hi kan sawi seng awm love. Kawng
engkimah a tha zawng hlirin a rah chhuah kan hmu a, kan khawtlang nun leh
khawsakna hrang hrangah min dawm kangin khawvel eng hmu ve phaka min siamtu
pawh he Chanchintha hi a ni. Kan pi leh pu te khan thingbul, lungbul biain mawlmang
takin an khawsa thin a, khatihlai huna an khawsak phung leh kan tunlai Mizote
dinhmun han khaikhin hian kum tlemte chhunga kan dinhmun chawikana a awmzia te
hi a mak zawk hle a a ni! Heng zawng zawng hi Chanchintha zar kan zona vek a ni
a, engtikah mah kan theihnghilh ngai in a rinawm loh a ni.
He hun a lo thlen hian hrehawm leh
thih pawh huama Chanchintha Meichher min rawn chhitsaktute hlutna leh inpekna
rilruah a thar leh thin. Keini India ram kilkhawr taka hnam mawl tak, mihring
khawsa zia pawha khawsa lo fo thin kha engkim huamin min rawn luhchhuak a ni a!
Pathianin Mizote min hmangaih bikzia pawh a chiang lehzual hle awm e. Tin,
Pathianin a hmanrua, Missionary-te inpekna nasat zia leh kan tana an hlutzia
pawh khawvel thlirna atang chuan thil mak a tling hial a ni. Hetiang khawpa kan
tana hlu leh malsawmna tam tak kan dawn avang hian Pathian hnena lawmthu sawi
leh Amah faka chawimawi hi kan va ba nasa tehlul em. Chuvangin, he hun hlu leh
pawimawh tak hi Kohhranho te hian i
ngaihlu lehzual ang u.
No comments:
Post a Comment