Chhum hmin
Kohhran
huang chhungah hian Sunday School-a chhum hmin tih te, KTP a chhum hmin tih
twngkam hi kan hmang fo mai. Kohhrana rawngbawlna leh inrelbawlnaah hian a
tangkaiin a lo pawimawh hle tak mai. Kohhranin ringtu nun thanlen dan tura
ruahmana leh kalkawng a lo siam hi miin a zawh chhuah phawt chuan mi puitling
leh hmantlak takah an chhuak thin a ni.
Presbyterian
Kohhran te hian inkaihhruaina leh kalphung mumal leh fel tak kan neih avang
hian kan vannei hle a ni. “Naupang Sunday School-a Beginner atanga Senior
Department thlenga tha taka kal chhuak dap te nun hi a chhiain an ngaihtuahawm
ngai loh” an ti thin reng a. He thu dikzia pawh hi kan hre theuh awm e.
Tin, Kohhran chhung mai nilo kan tualzal nunah pawh Sunday School-a chhum hmin
te nun hi a hriat chawk, khawtlang tana mi hnawksak leh kawhmawh bawl ching kan
tih te pawh hi hetiang zingah hian an awm meuh lo a tih theih.
Rawngbawltu puitling leh Kohhran
kutke ni tura inbuatsaihna hmun tha tak, K.T.P kan nei lehzel te hi ava han hlu
em. K.T.P member nirual an nih atanga rawngbawlna ngaipawimawh a, tha taka
K.T.P chhuahsan te hi rorel leh rawngbawlna kawng hrang hrangah hian an hriat
thin. “KTP a chhum hmin nge nge” tih an hlawh fo reng a ni. Kohhrana
rawngbawltu leh Kohhran Upa te zingah ngei pawh hian K.T.P a chhum hming ngat
chu an hriat thin in a lang. K.T.P sawi mawi kan tum vang ni lovin, Kohhranin
Kristian nun thanlenna atana ruahmanna a siamte hi tha taka kan zawh chhoh a
duhawmin kan rawngbawlna atan pawh a tul hle zawk a ni. Chuvangin, Sunday
School ngaihpawimawh kawngah te, K.T.P rawngbawlna ngaihpawimawh kawngah te hma
sawn deuh deuh ila a duhawm hle a ni.
No comments:
Post a Comment