Thrurin hriat chian
Zep thu a cheng lo, Zoram Kohhran
hrang hrang zingah hian keini Presbyterian Kohhran te hi Kohhran thurin hriat
chian kawngah hian kan hnufual ni te pawhin a lang. Kohhran mipuite chu sawi
loh, Rawngbawltute ngei ngei zingah pawh hian hre lo leh chhiar pawh chhiar
ngai meuh lo kan awm nual ta ve ang!
Kan thurin ber kan chian loh chuan
Kohhran mi nghet leh rintlak nih a harin a rinawm. Kan Kohhran hian Pathian thu
hi engtin nge kan pawm a, engtin nge kan kalpui tih pawh hre lo tan chuan
huaisen taka Pathian thu pawh sawi harsa viau tur a ni. Kan thusawi ngaihthlak
tam takah pawh “Kan thurinah chuan...” han ti nalh nalh tur kan vang hle. Tin,
Kohhran rorelna hrang hrang leh Pathian thu sawiho nikhuaah pawh “ka ngaih dan
chuan” tih fo ai chuan “Kan thurin chuan heti hian a ti”, tih emaw, “Bible
chuan heti hian a ti” ti thei tur khawpa Bible leh kan thurin hriat chian
kawngah hma kan sawn a duhawm hle a ni.
Kohhran thurin
mai bakah Kristian nun kaihhruaina tha tak mai kan la nei leh zel a, hei hi kan
Kohhran kan vanneihna pawh a ni. Hetah hian Kohhran mitena kan tih tur hrang
hrang a kim hle, Kohhrana kan tih tur leh mawhphurhna te, ram leh khawtlanga
kan tih tur chenin kimchang takin ziak a ni. Hengte hi kan hriata tha taka kan
zawm phawt chuan, ringtu/rawngbawltu inthlahdah emaw mi te dem leh sawisel kai
kan awm hauh lovang. Tin, zirtirna diklo in a chhem awn mai mai theih pawh kan
ni hauh lovang Chuvangin, heng kan thurin leh Kristian nun kaihhruaina te hi
kan hmu phak mai, chhiar theih mai turin kan nei bawk a, hre chianga tangkai
taka hmang turin tan i la teh ang u.
No comments:
Post a Comment