SERMON - I thil la neih thi lek lekte chu tinung leh rawh

I THIL LA NEIH THI LEK LEK TE CHU TINUNG LEH RAWH 

(Thupuan 3:1-3)

 

           

Thupuan buin Asia Minor-a kohhran pasarihte hnêna a sawite hi kan hre lar hle a, chung zing a\ang chuan Sardis khuaa Kohhranho hnena a thusawi bik chauh hi luh chilh kan tum dawn a ni.

 

Sardis khua hi khawpui hausa tak a ni a. Sumdâwnna te, ram lei lung rah chhuah ṭha tak te, leh sahmul thawmhnaw leh carpet siam te chuan khawpui hausa tak a nihtîr a. Thilthleng chanchin ziak mi Josephusa sawi dânin, Sardis chuan B.C. kum zabi pakhatnaah daih tawh khan Judaho chênna vêng lian tham tak a nei tawh a ni awm e. (Kan hriat angin Sardis hi Asia khawmualpui tuna Turkey rama awm hi a ni)

 

Sardis hi khawpui ropui tak ni \hîn kha Rome-in an rawn awp ve meuh kha chuan a lo ropui \hin ang kha a pha tawh lo nasa a ni. La hausa zui zêl tho mah se, a ropui \hinna chu hmuh tûr eng mah a awm tawh lo va, hmânlâi thil mai a ni tawh. Hmâsâng Sardis khawpui kha tlâng chunga din a ni a, chu tlâng pang chu âwih bakbahâi tak a nih bawk si avângin hmêlma tân pawh han luh chilh theih loh deuh thaw ni anga ngaih a ni nghe nghe. A chhûnga chêngte pawhin him hle nia an inhriat avângin khawpui kulhte pawh an vêng uluk vak ngâi lo bawk a ni âwm e.

 

Thupuan bung 3:1 ah khan “I thiltihte ka hria, thi reng sia nung hming I put hi” tih kan hmu a, keini pawh hi kan lan dan ang hi kan lo ni lo maithei a ni. Thi reng si hian nung hmingpu mai kan ni ang tih a hlauhawm hle. Milem, mahni nihna anga lang chhuak ngam lo nih a hlauhawm. Eng ang pawhin inthup emaw lan mawi tum eng ang mah ila kan nihna tak, kan chhungril nun chu siam\hat a nih loh chuan a dang lam chuang lo a ni. Pawisa thir (Coin) kan hria, ‘two side of the same coin’ an tih \hin kha. Pawisa thir hmai lehlamah chuan Ashoka pillar a chuang a, awmze rill eh ropui tak nei a ni, India sawrkar leh India khua leh tui te tan chuan a pawimawhzia kan hre awm e. Tin, a hmai leh lamah chuan a pawisa zat number a awm bawk. A hmai lehlamah chuan eng lem leh ropui engang pawh chuang mah se, a nihna tak chu a danglam thei chuang lo, chengkhat thir emaw, cheng hnih thir emaw a ni tho tho. Chuvangin, kan pawn lam lan dan leh kan zia chu eng ang pawhin ti danglamin han thup \hin mah ila, kan chhungril leh kan nihna tak tak chu a danglam thei chuang lo.Chuvangin, kan thiltihte hre vek tu hian thi reng sia nung hmingpu min ti ang tih a hlauhawm hle a ni.

 

Sardis khuaa kohhran hnêna thuchah hi Kohhran Siam\hatna a thlen hnu, kum 1665 a\anga 1740 chhûng vêla Protestant-te thlarau lam dinhmun nen khân hmeh bel a ni \hin. Hetih lâi hunah hian kohhran chu thlarau lamah a ro hle a, dân ang maia thil tiin an ngaih a \ha ve êm êm ringawt mai a ni. Finna leh thiamna lo sâng chho zêl bâkah, khawvêl lam thila rilru pêkna-te chuan kohhranah pawh nghawng a rawn nei nasa hle a ni. Chumi avâng chuan Chanchin \ha hril châkna leh Krista hnêna inpumpêk duhna a lo tla hniam a, chutih kârah chuan kohhran thuvawn eng eng emaw siam chhuah niin, hnialkhân fing tak tak, ro êm êm si tam tak a lo piang chhuak bawk. Hetih hunlâia kohhran an thiltih avangte khan nung ang chuan han lang ve mah se, thlarau lamah chuan thî an ni si.

 

            Tunlaia Kohhran/K|P te pawh hi han inthlir ila, kha tih hun laia Sardis khaw Kohhran nen khan kan din hmun a in ang thui viau lawng maw? Inkhawm, fellowship, hnatlang leh activity dang dangte dan anga tiin kan ngaih a lo \ha ve viau a ni maithei, mah se, thlarau lam nunah hian kan lo ro viau lawng maw? Finna leh thiammna lo sang chho zelah hian Pathian thu aiin finna leh thiamna kan neih theihna tur kawngah hian rilru leh ngaihtuahna te kan lo seng nasa tawh zawk viau lawng maw? Kan hlawkna tur a nih loh chuan Pathian tana inpumpek te chu kan hlat ta viau niin a lang. Tin, Chanchin \ha hril chakna pawh a tla hniam deuh deuh niin a lang a, Chanchin \ha hril \ulna aiin Chanchin \ha kan hril avanga kan hlawh/lawman tur thlir lian zawk pawh kan awm nuk tawh niin a lang. Tin, kan mithiam tak takte zingah Kohhran kal dan tur \ha ni a an hriat leh duh dan te sawi lang vak vak leh tlangaupui ta chiam chiam an awm a, Kohhran/K|P hmalakna leh kal dan te sawisela hnial khan \ha tak tak nei pawh kan pung ta zel bawk niin alang, amaherawhchu, hengtiang ngaih dan tam tak te hi khawvel thilah chuan finthlak viauin lang mah se thlarau lamah erawh a ro viau lawi si a ni. Chuvangin, tunlai Kohhran/K|P te pawh hi I inenlet ang u. Kan Pathian hian ‘Thi reng si a nung hmingpu’ min ti ve mai lovang tih a sawi theih ta lo.

 

            Hetiang din hmuna an din avang hian Pathian chuan Sardis khuaa Kohhran te chu a warning ta a n ikan ti thei awm e. Dan anga an thil tih \hin te chu Pathian mit tlung zo a awm lo. Chuvangin, unaute u, keini pawh kan thiltih \hin zawng zawngah te hian Pathian mit a tlung zo a ngem? Zaninah hian engvanga Inkhawm nge ka nih? Engvanga fellowship, hnatlang leh activity dang ti \hin nge ka nih? Branch OB, Branch Committee, Group OB emaw Group Committee ka nih avang em ni? Tin, chanvo ka neih avang leh a hming hmerha ruat ka nih vang chauha ti ka ni em? Mahni \heuh I inenlet ang u. Heng kan tih chhan hi Pathian vang a nih loh chuan Pathian mit a tlung zo hauh lovang. Sardis khuaa Kohhranho te pawh khan thil \ha tam tak an ti a lawm, Kohhran leh Pathian tana \ha tur niawm taka lang te pawh tiin an ngaihtuahna pawh a seng tih kan hre reng. Mahse, khang an thil tih zawng zawng te kha Pathian vang leh Pathian ropuina tak tak atana ti ni lovin mihring \hahnemngaihna mai a ni. Chuvangin, ‘in veng la, I thil la neih thi lek lekte chu tinung leh rawh’ a ti a nih kha.

 

Keini pawh, Kristian, piangthar tawh kan nih kha, chutihlaiin, kan thlarau lam nun hi a roin a lo thi lek lek tawh maithei a ni. Covid hripui avangin inkhawm leh activity dang hun rei tak kan ti thei lo a nih kha, zep n^k emaw, inkhawm ch^kna a tla hniam a, Pathian rawngbawl leh atana ke pen pawh a sak ta \alh ni te hian a lang. Hetiang hun kan tawn mek lai leh kan thlarau lam nun pawh a ro viau lai hian inveng ila, kan thil la neih thi lek lek tawh hi I tinung thar leh ang u.