DAM CHHAN
Dam
chhan han tih chuan khawvelah hian eng nge kan dam/nun/awm chhan tih lam a kawk
awm e. He hringnun kawng chhuk chho hi mi tam takin nasa takin an lo chhuiin an
lo ngaihtuah tawh thin a. Zir bing pawl leh mimal tam tak an awm reng bawk.
Chuti chung chuan, he hringnun thuhar hi lei mihring dam chhunga zir zawh chi a
ni lo a ni ang, zir chhuak a, he khawvel hriata hringnun zirlai ropui chhawp
chhuaktute zingah hian Siamtu’n
mihringte Dam Chhan a siamsak sawi thei an vang em mai! Hla siamtu chuan… “Eng
dawn ang maw hmanah Khuanu hian, Hringnun hi a duan lai khan? Hraileng awmhlei
dung a thul em ni, Hringnun hi a lo duan le!?” A lo ti thlawt a nih kha. He hla
hian zawhna ril leh thuk, chhan theih si loh; khawvela kan chen
chhunga mi tinin kan inzawh theuh si erawh a rawn sawi chhuak nalh
ngang mai!
Duh
reng vanga piang ni lo mah ila, kan lo seilian a. Duh lo eng ang pawh
ni ila kan dam chhung hi a rei lova, kan parvul lai pawh a
rei lo. Kan tar a, natna avanga thi lote pawh an tar thi ngei ngei
si. Hetiang ringawt hi hringnun a nih lai hian engati nge hetiang ngawt
tura kan lo pian ve na chhan ni ang? tiin kan inzawt fo thin a nih hi. Kan thil
duh ber ber leh kan ngaihpawi mawh ber ber te hi kan dam chhan emaw tih a awl
hle. Amaherawhchu, kan dam chhan dik tak a lo ni reng em? tih leh, dam chhan
tlak a ni reng em? tih kan inzawh fo a ṭul awm e. Dam chhan tlak lo hi dam chhana
kan lo nei reng a nih chuan, kha kan dam chhan chu a chhiat hun hunah keini
pawh kan chhe ve ngei ang.
1.
Kan ngaihzawng te hi kan dam chhan
emaw kan ti fo em?:
Nula tlangval tam tak chu nulat tlangval inngaihzawnna kawng kan zawh thiam lo
fo va, nun zawng zawng chhiat vek phah sawi tur pawh an awm nual a ni. “Ka dam chhan i ni,” “I tel lo chuan ka dam zo lo ang” te kan
tih ṭhin kha!! Lengzem hla ah pawh kan hmu nual "Ka chan tawkah ka lung awi lo, ka dam chhan ka luah zo si
lo..." etc.. Chu inhmangaihna keh chhia avang chuan mi tam takin an
nunna hial an lo la tawh a, an la mek bawk. An dam chhan an thihpui leh si a
nih chuan, an dam chhan tak tak a ni lo a niang a. Khawvelah hian kumtin mi Nuai 8 vel mahni intihlum anga chhut a ni a,
mahni intihlumna chhan zingah love affairs hian pangana a hauh pha hial a ni.
Kan hmangaih ber leh min hmangaih bertu ni a kan hriatten min phatsan niah
chuan kan tan vanpui a chim hial a nih kha. Mahse, chutiang huanah pawh, kan
ngaihzawngte hi kan dam chhan ber an ni lo, tih hi hriat chhuah fo tur a ni. Ka
1st love pawhin pasal neiin fa an nei duah tawh... Chuvangin, kan
ngaizawng te hi kan dam chhan an ni lo a niang. Chuvangin, ringtute chuan a awm
tawk i hria ang u.
2. Sum leh pai (pawisa) hi kan dam chhan emaw
kan ti fo em?:
Pawisa pawimawhna kan hria, a tel lovin kan khawsa thei lo, hemi avang hian mi
tam tak chu a bawihah kan tang a, dik leh dik lo, mawi leh mawi lo pawh kan
thlu lo, thahnemngai takin kan help ru a, mi chanai ai kan eiru a, inthiamlohna
leh zahna chang kan hre chuang lo. Suam hi engkim tithei leh kan dam chhan ber
emaw kan ti ni berin a lang. Mahse, hei hi hre reng ila:-
"Pawisa
in sana kan lei thei, mahse hun erawh kan lei thei lo.
Pawisa-in
khum nuam tak kan lei thei, mahse, muttuina erawh kan lei thei lo.
Pawisa-in
chaw leh eitu tuihnai tak tak kan lei thei, mahse, eituina erawh kan lei thei
lo.
Pawisa
hmangin Doctor thim ber ber kan ruai thei, mahse, hriselna erawh kan lei thei
lo.
Pawisa-in
life insurance tha tak kan ti thei, mahse, himna erawh kan lei thei lo.”
Heng
avang ringawt pawh hian, sum leh pai hi kan dam chhan a ni lo tih a chiang viau
awm e. Kan Lal Isua pawhin, “Sum leh pai hi mihring dam chhan a ni lo ve” a tih
kha.
3. Khawvelah hian dam chhan tur leh dam chhan
tlak a awm lo: Khawvelah
a aia hausa la awm ngai lo, nawmchenna kawng tinreng pawh lo zawh tawh,
Pathianin a bik taka finna a pek Solomona atang pawh hian khawvelah hian dam
chhan tur leh dam chhan tlak a awm loh zia kan hmu chiang hle a ni. Pathian thu
kan chhiar tak ang khan. Ni hnuaia awm thil zawng zawng hi engmah lo mai a lo
ni, a tih ang khan, khawvelah hian innghahna tlak leh dam chhan tlak a awm lo.
Mihringte
hian kan hlimna leh kan dam chhan ni a kan hriat kan zawng a, a thenin nulat
tlangvalna kawngah, a thenin sum leh paiah, a thenin ruihhloah. Mahse, heng
zawng zawng hian hlimna leh nun tluantling min pe lo, rintlak leh innghahna
tlak tak tak a tling lo a ni. Lal Isua chauh hi innghahna tlak leh rinchhan
tlak awm chhun a ni a, hei ngei hi khawvela kan dam chhan dik tak a ni tih I
hre thar le hang u.
Isua
Krista ringtu chuan khawvel thilte chu dam chhanah a ruat lo va. Hausakna te,
ropuina te, sanna te leh nawmsaknate chu a dam chhan a ni ve lova, a zawn pawh
a ni hek lo.
Chhandamna hril a, A ram din hi,
Aw, leia kan dam chhan a
lo ni e!
A lo ti zawk a ni. Lalpan a thu
malsawm rawh se. Amen
No comments:
Post a Comment