BIAL ZAIPAWL MEMBER TE HRIATTUR PAWIMAWH

BIAL ZAIPAWL MEMBER TE HRIATTUR PAWIMAWH

1.       Bial KTP Committee-in Bial Zaipawl inkaihhruaina a siamte kan zahin kan zawm hram hram tur a ni .

2.       Hun vawn dik: Hla zir hun emaw hla rem/enlawk emaw hun bituka programme siam reng rengah tan hun a thleng hman tura inbuatsaih tum tur a ni. Chutiang kan thei dawnlo a nih chuan Zaipawl enkawltute hnenah mumal taka thlen thin tur a ni

3.       Incheina: Bial Zaipawl te chu rawngbawltu puitling, Bial aiawh leh Bial hmel lanna langsar ber a nih avangin a mawi leh zahawm a inchei tura ngaih kan ni. Kan sam kan enkawl danah pawh Hmeichhe tan sam rawng thlak leh langsar khawpa tihdanglam te a mawi ber lo. Tin make-up kan hman pawhin uchuak leh a thlirtu mitla tur khawpa kan tihloh a tha. Mipa tan kan sam kan enkawl danah a vantlang leh zahawm pangngai a awm, sam phir lutuk leh kawisawi tak te a mawilo. Tin, kan inthuamna dang pawh a zahawm (smart) ngainat a tha khawp mai. Rawngbawlna kan neih reng rengin Smart shoe bun thin tur a ni. Tin, hla zirnaah hmeichhe tan puan bih thin tur a ni a, mipa tan Kekawr tlawn haka pheikhawkpum bun thin tur a ni.

4.       Discipline: Hla zirna a ni emaw Bial Zaipawl hminga chetna reng rengah, Zaipawl hruaitute thu ngaihchan thiam tur a ni. Tan hun, ban hun leh adangah mahni thua lo rawt ve vak vak ang te hi chin loh tawp tur a ni. Kan awmdan hrang hrangah Zaipawl thatna zawka zilh/hauh kan nih chang pawha puitling taka dawngsawnga zawm thiam tura ngaih kan ni. Hla zir a ni emaw Programme dang reng reng pawh ngaihpawimawh tur a ni. Tin, hlazir hun chhung emawin mahni thu thu a awm eg. Chhuah, Phone hman etc. ang te hi tih loh tur a ni. Tin, kan zaidan a ni emaw a part siamrem chungchangah pawh Conductor-te ruahmanna zawm thiam tur a ni. Tin, zaia rawngbawlna kan neih angah te khawi Kohhran pawh ni se, inkhawm laia inbiak inbiak emaw, nuih vur vur, zai laia lo ngawih daih emaw Inkhawm Service laia chhuah ang te hi lohtheihloh thil a nih loh chuan chin loh a tha, midang mit a kham thei tih kan hriat a pawimawh.

5.       Tonic Solfa : Bial Zaipawl chin chu mahnia Solfa (Modulator beat & bar etc) chhiar thei tura ngaih kan ni a, chutiang kan ni lo a nih chuan Solfa chhiar thei tura theihtawp a inzir tur a ni.

6.       Bial Zaipawl chhungkuaah: Bial Zaipawl chhung bikah inpawh tlang leh inpumkhat tlang taka nun thiam kan zir a pawimawh, kum inthlau tak tak te pawh kan ni ang, inkawm hrang bik emaw midang tena an pawh nuamlo hial khawp tura inlak hran emaw a tha ber lo. Branch hrang hrang atanga kal khawm kan nih avangin branch feeling awmlo thei ang ber tura kana wm thiam a tul. Tin, member dangte aia intihfel bik lutuk a tul kher lo va, chutiang bawkin member dangte aia nawi bik em em pawh a tha kher lo. Pathian rawngbawlho vek kan nih avangin inpumkhat leh lungrual taka rawng kan bawlho theih a duhawm hle a ni.

7.       Pawn lam nunah: Zaipawl rawngbawlna bak kan pawnlam nunah pawh rawngbawltu nun awm renga nung tur kan ni a, kan rawngbawlsak a te mit tikham zawnga awm loh tum tur a ni. Nula tlangval tan ngaihzawng te pawh kan nei ang, amaherawhchu, ualau tak leh mi zawng zawng aia nei bik hliah hliah anga lan emaw, midangte mit tikham thei khawp tura ngaihzawng neih bik hliah hliah ang hi a mawilo, kan chinloh atan a duhawm hle. Tin, ruihhloah phei chuan sawi ngai lova fihlim sa vek tura ngaih kan ni. Rawngbawlna langsartak chelhtu kan ni tih hriain kan tawng leh kan khawsak dan kawng hrang hrang ah fimkhur leh a zahawm kan zawng hram hram tur a ni.

8.       Thlarau lam nun : Bial Zaipawl chin chu thlaraulam nunah pawh ngaihtuahawmlo tura ngaih kan ni a, mihringte chu chakloh chang nei thei vek kan ni, chutiang hun a lo thleng a nih pawhin inpuitawn thei turin kan thlarau lam nun pawh inhriattawnsak thei ila a duhawm hle. Khawngaih rawngbawl hnathawk kan ni tih hre rengin, chapona leh indahsanna tel lovin inngaitlawm leh thahnemngai taka rawngbawl turin inbuatsaih ila, chumi atan chuan a tam thei ang ber Pathian kan pawl pawh pawimawh a ni.

9.       Rawngbawlna dang: Bial Zaipawl chu a awmna Kohhranah a active tur a ni, heng, Kohhrna Inkhawm, KTP inkhawm, fellowship leh activities hrang hrangah te a tem thei ang ber tel thin tur a ni. Tin, Kohhran Zaipawlah ngat phei chuan member dangte entawn tlak tur khawpin Discipline leh hla zir ngaihpawimawh kawngah pawh tan lak tur a ni. Kan member te hian min chikin min thlir reng a ni tih hriat tur a ni.

10.    Tlangkawmna : Heng kan sawi bak pawh hi tam tak Bial Zaipawl kan nih avanga kan tih leh tih loh tur a la awm ang. Chung zawng zawngah pawh chuan Pathian Rawngbawltu kan ni tih inhriain theih tawp chhuah turin kan inbeisei. Tin, heng kawng hrang hrang te hi kan zawm duhlo emaw peihlo emaw zaipawl rawngbawlna hi kan titha peihlo a nih dawn ai chuan chuan he rawngbawlhna hi chawlhsan ngam mai a tha zawk ang.