INPUMKHATNA (sermon)

INPUMKHATNA
                      Johana 17:21-23                                           R. Hrangdawla

           Kan thupui a inpumkhatna tih hi a pawimawh khawp mai,pawl  hrang hrang(NGO)ah a pawimawh a,Kohhranah a pawimawh a,Chhungkuaah pawh a pawimawh ani.Inpumkhatna tha a awm loh chuan eng pawl mah hi a chak thei tak tak lova a tha zawngin hma a sawn thei tak tak lo a ni, chutiang bawkin,kohhran lamah pawh kohhran nung leh chak a awm thei lova,Kohhran ngui a hring chhuak thin a ni.

    

           Kan Pathian thu thlanchhuah Johana 17:21-23 ah hian kan LalIsuan a zirtirte pumkhatna tha an neih theih na tur a,PA,hnen a angen sakna thu leh amah leh pa chu pumkhat an nih na anga,an za a pumkhat ab nih theihna tur a,a tawngtaisakna anih ang in keini kohhran ho a thisen a lei te hi inpumkhatna tha kan neih theihna tur in min tawngtai sak ve a ni.   

    

            Awle unaute u Kan LalIsuan ka pa nang keimaha i awm leh,kei nangmaha ka awm ang bawk hian an ni pawh keimah a awm tur in,Tin,Nangin Ropuina mi pek kha an ni chu ka pe ta ati a va ropui emLalpa chu fakin awm rawh se.

    

          Unau duhtak Lalpa ropuina i chan theih na tur chuan a maha i awm angai anih chu kan Lalisuan keimahah awm reng rawh u keipawh nangmah ni ah ka awm reng ang ati.Amah a awm reng nun neitu na nana chu amah nen chuan pumkhat an ni tih a ni.Amah nen pumkhat neitu chu harsatna eng emaw pawh tawk mahse abuai ve lo amah a Krista awm reng a khan a do pui zel mai a ni.Tirhkoh chuan he ti hian ati,Krista hnenah khenbeh in ka awm ta, nimahsela ka nung a ni. Keimah erawhchu ka ni tawh lo Krista chu keimahah a nung zawk a ni a ti(Gal 2:20)

    

            Awle, unaute u, Kohhran hian inpumkhatna tha neih tur hian eng nge kan tihtur ni ta ang le? Kan tihtur kan ko a innghat kan tihzel piahlamah Kohhran Programme ngaih pawimawh hi kan tiihtur hna hmasa a ni. Kohhran programme kan ngaih pawimawh theuhna  nun atangin kohhran thlarau lam nunin hma a sawn anga,a thanglian anga, midangte tan pawh malawmna a lo ni ang.

    

            Unau duh tak te u kan tun nun theuh hi han ngaihtuah chiang teh u. Keimahni leh Krista nen a kan inkar chu thu hran ni se, keimahni leh keimahni ah hian a ni inpumkhatna tha kan mamawh ni, mahni seh seh mual hranah kan ti a ang riau.

    

          Rawngbawltu in, mahni hun kan luah chuan kan duh tawk mai a, chutiang deuh chuan kohhran member te pawh in, kan Inkhawm chuan kan duh tawk hle bawk a ni.

    

           Kohhran inkhawm service piah lamah hian a ni kohhran ho te kan in pumkhat na siam tha tu tur chu ni. Kohhran ho te eng emaw changin thu leh hla lam a inpawl ho a ngaih chang a awm bawk a, hengah te hian keimahni pawh kohhran ang a nun ho na tha a hring chhuak a, nun ho na tha chuan kan thalrau lam nun a siam tha a, chuchuan kohhran nung a hring chhuak thin a ni, chu chu inpumkhatna tha in a hrin chhuah a ni.

Lalpan a thu malsawm rawh se. Amen..

LEI CHI IN NI E (Sermon)

LEI CHI IN NI E

(Matthaia 5:13-16)

           

Chi chungchang tehkhina thu hi Chanchintha bu ah pawh hmun thum laiah ziak kan hmu a, a pawimawhin he tehkhinna thu tawite hian a sawi thui hle mai. Lei chi (Fertiliser) sawina nilovin, kan chi liah thin (Salt) hi a sawina niin a lang. He Chi chungchang, Lal Isuan amah ringtute min tehkhinna thu hi tawi tein kan ngaihtuahho dawn a ni.

1. Chi chu a dak loh chuan khawiah pawh a al :-

            Chi da hi hmuh tur avang viau mai, Chi hi a dak chuan a nihphung zawng zawng a hloh vek a ni. Al-na a neihloh chuan eng atan nge a hmantlak tawh ang aw? A nihphung pangaiah chuan khawi hmunah pawh awm se, eng hun pawh ni se a al ngaiin a al reng, zing, chhun, zan, khaw lum/vawh zawng zawngah pawh a boruak leh a awm hmun a dan avangin a al dan a danglam ve ngai lo a ni tih kan hre theuh awm e.

            Mahni nun theuh han inchhut ta ila, eng ang nge kan nih le? Sik leh sa thu avanga Al/Allo mai mai kan nih chang a awm fo em? Tin, kan awmna hmun a zira nun danglam mai mai thin ringtu kan ni em? Helai keimahni Veng/Kohhran a al tha pangai viau kha, khawi emaw hmun dangah chuan kan lo danglam leh thin mai em le? Ka eizawnna leh hnathawhna hmunah te, ka zin vahna hmunah te hian ka rinna hi a danglam fo em?

            Sadraka te thian zaho chanchin kha sawi thui ngai lovin kan hre fo awm e. Daniela Bung 3 a kan hmuh angin, Dura phai zawlah mi zawng zawng in Rangkachak Milim chibai an buk lai khan, anni thian 3 khan Chibai an buk ve duh lo a nih kha. Juda te khan Jerusalem atang lo chuan Pathian Chibai bu tur niin an ngai lo a nih kha, chutiang a ni chung pawh chuan mi ramah anmahni nun himna atan pathian dang chibai an buk duh miahlo leh an buk lo ngam kha an va entawntlak em.

            Mahni lam ka han inen pawh hian khawi hmunah pawh al harsa ka ti fo thin. Amaherawhchu, Lal Isuan ringtute nihna tura min pek a nih avangin, kan awmhmun kan sawn avanga kan rinna danglam mai mai tur erawh kan ni lo tih kan hriat a pawimawh hle mai.

2. Chi chuan chawhmeh rem loh a nei lo :-

            Kan chawhmeh ei thinah hian hei chu Chi nen hian a inremlo tlat mai a, tia sawi tur a vang hle mai, eng chawhmehah pawh hian telh ila, a tituitu a ni zel a nih hi, a thur/thak/hang adt. a rem vel vek a nih hi maw! Kan Pathian hian a lo va siam thiam tehreng em.

            He thu atang hian ringtute hian zir tur kan va ngah em. Tu tu te emaw remloh leh eiloh mai hi a awl khawp mai. (A bikin hmeichhiaah hian a awm duh bike m aw?) Tupawh thawhpui emaw, kawm thei, mi tupawh rawngbawlpui thiam kan nih a pawimawh hle. Rawngbawlna huangchhungah ngat phei chuan a pawimawh lehzual. Chumi atan chuan midang dah pawimawh thiam te a pawimawh hle a ni. “kei chu lang tur ka ni, a ni chu tlatlum tur a ni.” Johana 3:30 a Baptistu Johanan Isua chungchang a sawi ang khan, he rilru hi rawngbawltute hian kan put theihna tura keimahni kan insiamthata kan inzir fo a va duhawm em.

            Mahni theuh inngaihtuah I la tu te emaw remloh ka lo nei fo em? Kan zui Lal Isua hi Remna Lal a nih kha. Chuvangin, Chi in chawhmeh remloh a neilo ang hian, keini ringtute pawh hian remloh nei loin kan rawngbawlnaah pawh inpumkhatna nen rawng I bawlho zel ang u.

3. Chi chu chawhmeh  alo tui theih nan a ral vek thin :-

            Kan chawhmeh siam te a lo tui zawk theihna atan chi kan telh thin, chu Chi chu a ral hma chuan a alna a chhuak kim ngai lo ang leh a ralvek phawt loh chuan chawhmeh a tih tui theih loh ang hian, keini ringtute pawh kan nun hi Kraws-ah chinral a nih loh chuan, kan rawngbawlpuite/rawngbawlsakte an tui thei thin lo a ni.

            He thu hi rawngbawltute tan ngat phei chuan a pawimawh lehzual hle. Kan mihring felna leh thiamna avangin engemaw chen chu han tui ve thei thin mah ila, kan ral thei tak tak lo fo thin.  Chuvangin, rawngbawlna nung leh rawngbawlpui nuam, ringtu chhenfakawm, mi hlate hnuk hnaitu, thlarau saltang te a hnena hruaitu ni tur chuan kan nun hi a tuiral vek a ngai a ni.

            Fak hla siamtu chuan “Saruangah min siam rawh, Mulukawlhte ei turin, Zion panna kawngbo te hruai turin,” a tih kha. Mulukawlh hian mihring damlai sa a ei ngai kan hre awm love. Amaherawhchu, mihring chu a lo thih tawh chuan a ruang chu an ei a, chaw-ah an hmang thin. Chutiang chiah chuan keini pawh midangten min ei theih turin kan thih phawt a ngai a ni.

            Thi si lo ringtu/rawngbawltu kan nih fo thin avang hian kan rawngbawlna ten awmzia a nei lo fova, kan la nun miau avangin keimahniah midang ten eitur an hmu lo thin a ni. Chuvangin, Kohhrana mi hla kan tithe pawh in Kohhran Inkhawm leh Kohhran programme hrang hranga tel an chak lem lo thin niin a lang. Heng mite ei theih tur hian thi ila, kan koh leh sawm kher ngai lo pawhin heng kan member hla te hian keimahniah chaw tui ei tur zawngin min rawn pan zawk mai dawn a ni.

            Lal Isuan Lei Chi in ni e min tih ang hian, Chi nihphung hrang hrang kan hria a, chu nun chu kan neih ava duhawm em. Chi chu a dak loh chuan khawi hmunah paw a al thin ang hian keini pawh khawi hmunah pawh al ila. Chi chuan chawhmeh remloh a nei lo ang hian tute emaw remloh bik nei lovin, Pathian rawng I bawl ho ang u. Tin, Chi chu hmawhmeh a lo tui theihna atan a ral vek thin ang hian keini pawh midangte an tui theihna atan I ral ve ngam ang u.

            “Khawvel eng in ni e, in eng chu mi mithmuhin eng rawh se,” min tih ang hian, heng kan han tarlan tak tlem te pawh hi kan zawma kan nunpui chuan kan eng chu mi mithmuhin a eng ngei ang. Tichuan, midangte pawhin kan eng atang chuan kan Pa Van ami an chawimawi thei dawn a ni. Lalpan a thu malsawm rawh se.